| |

Vllaznia e femrave kampione e Shqipërisë për të 9-tën herë rradhazi

Shpërndaje

Vllaznia në futboll për femra vazhdon të mos njohë rivalë në kampionatin shqiptar. Pasditen e sotme ajo është kurorëzuar me titullin kampion të rradhës, I 9-ti në historinë e këtij ekipi, në 9 vite eksitencë të tij.

Ndeshja e fundit e kampionatit, ajo ndaj Skënderbeut është zhvilluar në stadiumin “Loro Boriçi” dhe ekipi shkodran ka fituar me rezultatin 6-0 falë tre golave të Doçit, Borcit, Franjes dhe Lufos.

Pas përfundimit të ndeshjes është zhvilluar edhe ceremonia e dorëzimit të medajeve për të gjithë pjestarët e Vllaznisë dhe kuptohet që momenti më emocionues ka qenë kur përfaqësuesja e Federatës Anila Basha, I ka dorëzuar kapitenes Esmeralda Franja kupën dhe më pas ka shpërthyer festa.

Protagonistët e këtij suksesi të rradhës për kuqeblutë janë shprehur të lumtur për arritjen e tij, por njëkohësisht kanë premtuar se trofetë e Vllaznisë nuk do të ndalen këtu.

Ekipi I Vllaznisë ndërkohë nuk do të ketë shumë kohë për të festuar sepse do të nisë menjëherë përgatitjet për finale e Kupës së Shqipërisë ndaj Tiranës që do të luhet ditën e hënë dhe padyshim që objektivi është për ta sjellë edhe trofeun e 9-të rradhazi të Kupës në Shkodër./vllaznia.al/

Similar Posts