|

Miloti: Janë edhe 7 finale, nesër është e para ndaj Partizanit

Shpërndaje

Në prag të sfidës së nesërme ndaj Partizanit, në stadiumin “Loro Boriçi”, në orën 16:45, e vlefshme për javën e 30-të në Kategorinë Superiore, në konferencën për shtyp është shfaqur zv.trajneri i Vllaznisë, Auron Miloti i cili është shprehur:

“Janë shtatë finale dhe Vllaznia është e gatshme. Partizani është një nga ato. Duhet të japim maksimumin dhe të dalim me sukses. Nesër jemi të përgatitur për ndeshjen e parë, ekipi është i motivuar.”

Kemi njohje më herët me Plorin, jam në një pozicion që s’mund të jap mendim për të. Ndeshjet e fundit janë shumë të forta, veç Tiranës që tani 99% është kampion.

Dëmtimet – Veç Da Silvës, nesër janë të gjithë lojtarët.

Diagne – Është gjë e mbaruar. Më vjen keq për atë si futbollist, nuk donte të luante për ne. Ndoshta do të kemi deklaratë nesër, nuk është më pjesë e ekipit, nuk ka ardhur më.

Europa – “Duam vendin e katërt sepse na çon direkt në Europë. Janë shtatë finale siç thashë.”

Tifozët – “Shpresoj që nesër tifozët të na japin një shtytje më të fortë si në Kupë. Sa më pak çmimi aq më mirë, janë drejtuesit që vendosin”, përfundoi Auron Miloti.

Similar Posts